Den Open air Konstfestival bitt Grouss a Kleng d'Méiglechkeet sech aktiv um Festival ze bedeelegen.
LIVE-CONCOURS
De Kënstler gëtt d’Méiglichkeet gebueden, hir Kreativitéit zur Geltung ze bréngen, hiert Kënnen op der Plaz ze demonstréieren, hier Wierker ze presentéieren an ze verkafen, souwéi Gläichgesënnten ze begéinen a mat engem konstinteresséierte Publikum a Kontakt ze trieden.
Deene Kënstler an Artisten déi net um Live-Concours deelhuele gëtt hei d’Méiglichkeet gebueden hier Wierker ze presentéieren an ze verkafen. Et handelt sech ëm een ausschliesslich de Konstschafende reservéierte Maart an net ëm ee Floumaart.
Ateliere wou déi Klengst spontan kënne matmaachen. Et gëtt keng Viraussetzungen an déi jonk Konstbegeeschtert wäerten och méi wéi nëmmen eemoleg Andréck mat heem huelen.
Zil vun dësem Concours ass d’Realisatioun vun engem Visuell fir d’Promotioun vum open air Konstfestival. Dëst Wierk ass op allen Supporten, wéi Affichen, Flyeren, Programmer an am Web ze gesinn.