Duerch d'Notzung vun dëser Websäit erkläert dir Eech averstanen, datt mir Cookien notzen. Dës hëllefen eis Är Benotzer-Experienz ze verbesseren. Méi dozou

See PRO edition

 

COVID-19 // Ofso Open air Konstfestival 2020

Léif Frënn vun der Konst, vum Kiischpelt a vum Open air Konstfestival,

Mir hoffen et geet Eech alleguerte gutt - et gëtt an der aktueller Situatioun näischt méi Wichtiges ewéi d’Gesondheet. Leider muss den 30. Anniversaire vum Open air Konstfestival dofir och waarden.
An Ubetruecht vun der aktueller Entwécklung vun der COVID-19-Pandemie, an der Decisioun vun der Lëtzebuerger Regierung, all Manifestatioune bis den 31. Juli ze ënnersoen, gesäit den Organisatiounscomité sech verflicht d’Editioun 2020 ofzesoen.

Mir soen Eech Merci fir Äert Versteesdemech, an an der Hoffnung Eech nächst Joer um 30. Open air Konstfestival zu Lellgen begréissen ze däerfen.
Bei Froe sti mir Eech jidderzäit gären zur Dispositioun. Weider Informatiounen zum Virus an der aktueller Situatioun fannt Dir op der Websäit vun der Regierung - www.coronavirus.gouvernement.lu

Wat ?

De Specksteen, dem seng éischt Spuren méi wéi dausend Joer zréck ginn, kënnt aus de Kaapaturen vu Brasilien, Indien, China, Kanada an Australien. Well de Specksteen mëll, natierlech an einfach domat ze schaffen ass, huet en Kënschtler aus aller Welt ugezunn. Dëse Steen erméiglecht d´Ëmsetzen vun allen kreativen Iddien ouni iergendwellech Grenzen.

De Specksteen ass e Geschenk vun der Natur. Esou ass et schwéier seng Faarwen, seng Mass a seng Formen ze beaflossen. Mysteriéis Venen, déi interagéieren, duerchbueren all Block. Eréischt wann de Stee poléiert gëtt, kënnt seng Konstruktioun wierklech zum  Virschäin.

An dësem Konstatelier mam Titel " Skulpturen aus Specksteen" geet et drëms sich un d´Schaffen mam Steen erunzetaaschten, einfach Formen ze kreéieren an ze léieren wéi een d´Aarbechtsinstrumenter am Zesummenhang mam Stee benotzt (Féilen, Pinselen, ...). Am weidere Sënn bidd den Konstatelier eng spaasseg Atmosphär an der de Virwëtz an d’Virstellungskraaft vun de Kanner soll ugereegt ginn. Durch siichtbar Resultater soll engt gewësst Selbstvertrauen vermëttelt ginn esou wéi d´Loscht fir méi wéit ze goen.

Wou a wéini ?

Den 23. Juni 2020 vun 10.30 bis 17.00 Auer um Open Air Konstfestival zu Lellgen.

Wat gëtt alles gebueden ?

Ee Konstatelier zum Thema Skulpturen, fir Kanner vun 8 bis 12 Joer, ënnert der Leedung vum Florence Hoffmann, konstschafend Sculptrice. De Konstatelier gëtt haaptsächlech op Lëtzebuergesch gehalen.

An dësem kënstleresche Kader bitt sech de Kanner d’Geleeënheet, mat professioneller Ënnerstëtzung während dem komplette Kreatiounsprozess an der Aféierung vun den Aarbechtsinstrumenter, aus dem Specksteen ee Konstwierk ze schafen.

Déi am Verlaf vum Workshop entstane Skulpture ginn an de Concours « Art Academy » opgeholl an d’Visiteure vum Konstfestival den 23. Juni bestëmmen dann déi schéinst Wierker dorënner. Déi éischt, zweet an drëtt Plaz bei dëser Ofstëmmung gi mat engem Präis ausgezeechent.

D’Präisiwwerreechung fënnt de Samsdeg, 27. Juni 2020, um 19.00 Auer zu Lellgen an der Hencksescheier statt. Zu dëser Geleeënheet kënnen dann och alleguer d’Participante vum Workshop déi entstane Wierker ofhuelen

Präis ?

85 € fir d’Animatioun an d’Betreiung vun 10.30 bis 17.00 Auer, do si Material esou wéi ee Mëttegiessen a Gedrénks abegraff. D’Iwwerweisung vun de 85€ an 30 Deeg no der Aschreiwung gëlt als definitiv Umeldung

Wéi geet d’Umeldung ?

D’Aschreiwung ass hei um Site bis spéitstens den 6. Juni 2020 méiglech. Weider méi detailléiert Informatioune loosse mir Iech no der Aschreiwung zoukommen. Aus organisatoresche Grënn géife mir Iech bieden är Kanner nëmmen dann unzemellen, wa si um komplette Workshop vun 10.30 bis 17.00 kënnen deelhuelen.

 Open air

Konstfestival 2020

cancelled !

 
      Gemeng Kiischpelt 

Lellgen ? 

 Wéi kommen ech op Lellgen?

Gidd méi gewuer iwwer dat klengt, iwwer d'Grenze vun eisem Land eraus bekannten Ardennerduerf.