Sprache auswählen
Kids Academy
Interaktiv Workshops fir Kanner.
Ateliere wou déi Klengst spontan kënne matmaachen. Et gëtt keng Viraussetzungen an déi jonk Konstbegeeschtert wäerten och méi wéi nëmmen eemoleg Andréck mat heem huelen. Eng Umeldung ass fir d'Kids Academy net noutwenneg.
Hierstellung vu Slime
D’Kanner stelle Slime op eng sécher Aart a Weis hier andeem si op d‘Uweisunge vun den Animateure lauschteren. Si kënnen en an de verrécktste Faarwe kreéieren, Glitzer derbäimaachen a nach villes méi.
Dank de mat Window Colour bemoolten Amaachglieser, hunn d'Kanner méi laang eppes vun hirem personaliséierte Slime.
Phenomeen Seefeblosen
Wärenddeem d’Kanner d'interaktiv Seefeblose-Statiounen notzen, gëtt eng Foto gemaach. Déi passend Kartrongsrumm fir d‘Foto peppen d‘Kanner mat enger bestëmmter Blostechnik op.
Ausserdeem personaliséieren si hiert eegent Seefeblosendëppchen.
Porte-clé
D’Kanner designen hiren eegene Porte-clé: Si bemolen eng Leemfigur mat de Faarwen hirer Wiel, zéie Pärelen op a befestegen de Schlësselrank.
Fäerdeg ass en Unikat, deen op Rucksäck, Schachtelen, etc. ubruecht ka ginn.
Dëschluucht
Andeems d’Kanner virgemoolte Figuren (Peppa Pig, Eiskönigin, Paw Patrol, Pj Masks, asw.) op enger Dëschluucht ausmolen, entwerfen si ee richtegen Hingucker fir hir Schlofkummer.
Gesiichtsmolerei
Mat de beandrockende Konschtwierker an hire Gesiichter kënnen d’Kanner als Street Art Kënschtler um Open Air Konstfestival duerchgoen.
Park Sënnesräich
Zënter 2022 animéiert d’Ekipp vum Park Sënnesräich Konstatelieren, déi am Kader vun der Kids Academy ugebuede ginn. Eng ronn 250 Kanner huele järlech un de kreativen Atelieren, bei deene vill Wäert op Interaktioun geluecht gëtt, deel.
De Park Sënnesräich ass ee Fräizäit- an Erhuelungspark, deen zu Lëllgen an der Gemeng Wëntger läit. E besteet aus engem Matmaach-Musée mat méi wéi 35 Experimentéierstatiounen, déi d’Sënner an d’Gehier traitéieren, engem Airtramp, een 10x10 Meter grousst loftgefëllt Këssen, engem 2,5 Hektar grousse Bausseberäich mat Spillplaz, Buerféisswee, Seelbunn, Multisportterrain a villes méi, engem Maislabyrinth, zougänglech wärend de Summerméint, an engem Restaurant, dem Bistro Sënnesräich.
Dank senger villfälteger Offer erméiglecht de Park Sënnesräich esouwuel bei guddem wéi och bei schlechtem Wierder léierräich a spannend Momenter an der Famill an ënner Frënn. Well de Fräizäit- an Erhuelungspark Deel vum Lëlljer Gaart, enger Organisatioun déi professionell Inklusioun vu Mënsche mat Behënnerung fërdert, ass, beschäftegt och dëse Mënsche mat enger Beanträchtegung.
Open air Konstfestival asbl
5, op der Gare
L-9776 Wëlwerwolz
info@konstfestival.lu