Wëllt Dir Är Konschtwierker am Kader vum Open air Konstfestival presentéieren? Mir bidden de Kënstlerinnen a Kënstler déi eemoleg Geleeënheet hir Wierker wärend eisem Festival engem breeden, konschtinteresséierte Publikum ze presentéieren.

Den Open air Konstfestival steet fir Diversitéit an Innovatioun - egal ob Dir am Beräich Molerei, Skulptur oder Fotografie schafft, mir freeën eis op spannend Iddien an eenzegaarteg Perspektiven!

Och fir nei Talenter

Dir hutt nach ni un enger Ausstellung deelgeholl? Kee Problem! Mir gleewe fest datt nei Talenter grad esou wichteg si wéi erfuerene Kënschtler. De Konstfestival ass déi perfekt Plaz fir déi éischt Schrëtt an d'Konschtzeen ze maachen, an seng Wierker dem Public virzestellen. Profitéiert vun dëser Geleeënheet fir Är Konst siichtbar ze maachen a wäertvoll Erfarung ze sammelen.

Wat mir Iech bidden

• Eng Expo an enger vun de Galerien am Kader vum Open air Konstfestival.
• Eng feierlech Vernissage vun Ärer Ausstellung wou Dir d'Méiglechkeet hutt mat Konschtfrënn a Kënstler a Kontakt ze kommen.
• Iwwergräifend Reklamm fir de ganze Festival a verschiddene Medien.
• Versécherung fir déi ausgestallte Wierker.

 Wat mir erwaarden

• Dir sollt wärend den Ëffnungszäite präsent sënn an Är Wierker beobsiichtegen. Dëst erlaabt Iech direkt mam Publikum a Kontakt ze kommen an Är Konst perséinlech ze vermëttelen.
• De Bau an Ofbau vun der Ausstellung op engem vun de virgesinnen Datumer.

 Interesséiert?

Wann Dir interesséiert sidd, freeë mir eis op Är Demande!
Schéckt eis w.e.g. bis den 31. Januar 2025 eng E-Mail op info@konstfestival.lu mat follgenden Dokumenter:

• Eng kuerz Biographie déi Är artistesch Lafbunn a Motivatioun beschreift.
  Op d'mannst dräi Fotoe vu Wierker déi Dir gären ausstelle géift.

Mir freeën eis vun Iech ze héieren.